Էրդողանը պատասխանել է Արցախի վերաբերյալ Պուտինի, Թրամփի և Մակրոնի համատեղ հայտարարությանը

Թուրքիայի նախագահ Ռեջեփ Էրդողանը հայտարարել է, որ Արցախի Հանրապետությունում ռազմական գործողությունների դադարեցման ԵԱՀԿ Մինսկի խմբի կոչերն անթույլատրելի են։

«Հաշվի առնելով, որ ԱՄՆ-ն, Ռուսաստանն ու Ֆրանսիան գրեթե 30 տարի անտեսել են այդ խնդիրը, անթույլատրելի է, որ նրանք հրադադարի ուղիներ փնտրեն»,- ասել է Թուրքիայի նախագահը:

Նա ընդգծել է, որ մարտերը տարածաշրջանում կդադարեն միայն այն դեպքում, եթե «հայ օկուպանտները» հեռանան Լեռնային Ղարաբաղից:

Ինչպես արդեն հայտնել ենք, ավելի վաղ Ռուսաստանի, ԱՄՆ-ի ու Ֆրանսիայի նախագահներ Վլադիմիր Պուտինը, Դոնալդ Թրամփը և Էմանուել Մակրոնը (որպես ԵԱՀԿ Մինսկի խմբի համանախագահող երկրների ղեկավարներ) համատեղ հայտարարություն են հրապարակել Ղարաբաղի իրավիճակի վերաբերյալ։
Նրանք կողմերին կոչ են արել անհապաղ դադարեցնել ռազմական գործողությունները և նստել բանակցությունների սեղանի շուրջ։